ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានឆ្លៀតពេលទំនេរចុងសប្ដាហ៍នេះទៅវាយកូនគោលបន្ទាប់ពីខកខានជិត២ខែ។
សម្ដេចតេជោបានសរសេរលើ Telegram Channel របស់សម្ដេចនៅព្រឹកថ្ងៃទី៤ ខែមីនានេះថា៖ «ថ្ងៃឆ្លៀតវាយកូនគោលដែលខកខានជិត២ខែហើយ។ក្បាលពោះធំបន្តិចក្នុងទម្ងន់
៨៧គីឡូក្រាម។ រីករាយចុងសប្តាហ៍»។
កីឡាវាយកូនគោលគឺជាកីឡាដែល សម្ដេចតេជោ ចូលចិត្តជាងគេក្នុងចំណោមកីឡានានា សម្ដេចតែងចំណាយពេលទំនេរពីការងារដឹកនាំរដ្ឋមកលេងកីឡានេះជាមួយថ្នាក់ដឹកនាំរដ្ឋាភិបាល និងឯកអគ្គរដ្ឋទូត និងរាជទូតនៃប្រទេសមួយចំនួនផងដែរ៕
